Stavtalvur kunnu gerast neyðugar at hava um hendi, um t.d. talan brádliga gerst skerd av sjúku, so sum ALS, krabbamein, afasi osv, ella av vanlukku. Voxia hevur snikkað hesa loysnina saman, og øll eru hjartaliga vælkomin at taka hana niður, prenta og deilaFramferðarháttur:Um persónurin, sum hevur tørv á stavplátuni ikki fær peika sjálvur, skal viðkomandi, sum tosar við persónin gera soleiðis:spyr eftir fyrsta orðið og skanna so fyrst tølini í kolonnuni. T.d. “er 1. bókstavur í orðinum í rekkju 1,2,3…” Persónurin má so hava eitt tekin fyri “ja”. Kanska eitt blink ella okkurt líknandi.Tá persónurin hevur gjørt sítt tekin fyri ja har sum rekkjan við fyrsta bókstavi er, skalt tú skanna teir bókstavir sum eru í tí rekkjuni.T.d. Um persónurin ynskir at siga orðið “tyrst”, skal hann blinka, tá tú sigur 4, og síðan blinka aftur tá tú skannar rekkju 4, við at siga p,r,s,t…blink.Soleiðis koyrir skipanin inntil tað orðið/setningurin er funnin, sum persónurin ynskir at sigaTað er týdningarmikið at spyrja inntil um man kann gita orðið, sum viðkomandi ynskir at siga.Um tú/tit hava spurningar inntil hesa talvu, seti tykkum endiliga í samband við Voxia

Um tú hevur hug at vera við í einum fb-bólki, har vit fara meira í dýpdina við ASK, so eg bara at melda teg sum lim við at trýsta á hesa leinkju.

Oktober er International ASK (AAC) Awareness Month. Tankin við Awareness Month er at at seta sjóneykuna á ASK-økið og teir nógvu mátarnar, menniskju samskifta uppá við brúk av alternativum og stuðlandi samskifti. Í ár, 2020, er slagorðið “Bridging the silence through solidarity”. Leystliga týtt merkir hetta, at vit skulu bróta við tøgnina við at vera samhugaði. Ikki verðins besta týðing, men tit fanga tað nokk :). Eg vil gjarna vera við at royna at bróta tøgnina, so eg fari at royna at leggja ymiskt út hendan mánan. Í dag havi eg týtt (sum frægast) eina plakat, sum ISAAC hevur givið út fyri nøkrum árum síðani. Eg kann líka fortelja stutt, at ISAAC er ein stytting fyri International Society for Augmentative and Alternative Communication. ISAAC er ein altjóða limafelagsskapur, sum arbeiðir fyri at betra um samskiftismøguleikarnar fyri børn og vaksin við víðfevndum samskiftisavbjóðingum. Far gjarna inn á heimasíðuna hjá Altjóða ISAAC og les meira um AAC awareness month. So mítt fyrsta innlegg er henda plakatin sum handlar um rættindi til samskifti. Tit eru vælkomin at taka hana niður og eisini deila, um tit hava hug 🙂

Eg siti júst og arbeiði við eini skabelón til at hava visuel boð/orð um hálsin. Tað byrjar at líkjast onkrum :). Hetta er eitt hent amboð at visualisera eini boð, so sum ‘kom inn, bíða, steðga’ osv. Tann vaksni um barnið kann hava tað um hálsin, soleiðis er tað tøkt allatíð