MØT HELENU
Faklig vitan og
skapandi tilfar
Eg eiti Helena Sjúrðardóttir Højgaard og eri talu-, hoyri- og lesiráðgevi. Eg varð útbúgvin audiologopædur (cand.mag.) frá Københavns Universitet í 2015 og stovnaði Voxia í 2020.
Eg menni praktiskt tilfar og spøl, sum stuðla málmenningini hjá børnum og fyrstu stigunum í lesing og skriving. Her finnur tú millum annað myndakort og uppgávur at prenta til arbeiðið við bókstavum, málljóðum, orðfeingi, frásøgn og samskifti.
Eg leggi dent á visuelt stuðlandi tilfar og virknar læruhættir, har børnini sjálvi taka lut. Tilfarið skal vera greitt, lætt at fyrireika og einfalt at taka í nýtslu – heima, í skúla, í málvenjing og í serundirvísing. Tað kann brúkast við einstøkum børnum, í smærri bólkum og í flokkinum.