voxia.fo/product/visuelt-skema-gera-meg-klaran-at-fara-i-skula/
Nú fyri bert 25 kr 🙂
Tónaflog á jólaflog
Tú tilmeldar teg til holdini við at trýsta á “pinkubørn” ella “størri børn” á myndini
jólaflog lýsing af Hervør S. á Torkilsheyggi
Tónaflog – tónleikaterapi
👉🎶VOXIA VÍÐKAR UM SÍNAR TÆNASTUR
Frá 01. Novembur byrjar dugnaliga Hervør á Torkilsheyggi í starv hjá Voxia. Hervør er tónleikari, og hevur hon eisini nomið sær útbúgving innan tónleikaterapi. Eisini er hon útbúgvin teknmálstulkur.
Virksemi hjá Hervør í Voxia fer í fyrstu syftu at snúgva seg um tað hon nevnir Tónaflog. Hetta inniber:
⭐️tónleikaterapi fyri fólki við demens (seinheilaskaða)
⭐️fyri tey smá (vøggusang)
⭐️fyri tey við serligum tørvi
⭐️og onnur, ið hava tørv á slíkum tilboði
Ynskir tú at tosa nærri við hana um hvat tónleikaterapi er og møguliga bíleggja tíð kanst tú ringja á
📞504033 ella
✏️skriva til hennara á hervor@voxia.fo
Vit gleða okkum at fáa hana inn í Voxia-toymið 😃
Cerebral parese og samskifti 👇
Felagið CP Føroyar heitti á Voxia at skriva um samskifti og cerebral paresu til teirra nýggju flottu heimasíðu. Tað vildi eg fegin gera 👍 og tit eru vælkomin at lesa her 👇
Samskifti
10 góð ráð til tín sum samskiftir við ein við afasi
BÓK – Dialog med usædvanlige børn
Arbeiðir tú við børnum við fjølbreki, sum ikki tosa, er hetta ein heilt fantastisk bók at lesa.
Í hesi bók tekur norski sálarfrøðingurin Per Lorenzen okkum í hondina, og leiðir okkum inn í hansara persónligu hugleiðing um, hvussu man etiskt og námsfrøðiliga kann halda fast við, at aðalmálið fyri okkara fakliga arbeiði skal vera:
👉at vit minka um vandin fyri, at tað sum ger hesi børn ‘udsædvanlige’ skapar spilt ímillum okkum.
Per leggur dent á í sínum bókum, at vit leggja merki til tað týdningarmesta við samtaluni og relatiónum í samband við samskifti hjá menniskjanum.
Nakað sum eyðkennir fatanina hjá Per í samband við ‘udsædvanlige’ børn, og sum eisini er hansara endamál við bókini er:
👉at udsædvanlige børn hava sama tørv fyri nærleika og tøttum relatiónum við sínar umsorgspersónar sum vanlig børn.
Hvat merkir navnið Voxia
Eg fái tíðum spurningin: “Hvat merkir Voxia?”. Eg haldi tíðin er komin til eina frágreiðing.
Tað tók mær rættuliga langa tíð at finna tað rætta navnið til fyritøkuna. Eg hevði nøkur krøv til navnið, sum t.d. at tað skuldi ikki indikera, at eg hjálpi, førki, flyti o.s.fr. Ikki tí, tað er heilt víst nakað eg royni, men eg vildi heldur hava nakað annað at lýsa virkið við. Eg vildi meira hava eina yvirlýsing av mínum virksemi. Eina lýsing av mínum sjónarmiðum í samband við samskiftið, og lýsing av rættindum hjá mínum viðskiftafólki.
Eg fekk nógv hugskot… sum ikki einaferð, og míni nærmastu hjálptu mær eisini. Men eg fekk líkasum aldrin hasa kensluna “yes, hatta er tað”.
Eg leitaði mær hjálp hjá míni góðu vinkonu Hervør á Torkilsheyggi, sum er sera orðkring og dugir væl við orðaspæli. Hon spurdi meg beinanveg, um tað var nakar persónur, eg vildi hava við í navnið. Onkur sum eg vildi heiðra. Og JA tað vildi eg fegin. Eg hevði eina mostur, sum tíverri doyði fyri tveimum árum síðani av krabba. Hana var eg so sera góð við, og hon hevur altíð verið har fyri meg og okkum systkin. Hon var støk alt hennara lív, so vit vóru sum hennara børn. Hon var lærarinna, og hennara hjartamál var altíð børn við lesiavbjóðingum. Hon var eisini lesivegleiðari. Hon hevur, gjøgnum allan mín lesna, hjálpt mær, rætta uppgávur, diskuterað ymisk sjónarmið… og sett komma… nógv komma :). Tað er also ikki mín sterka síða. Eisini kom hon niður at hjálpa við ansing av børnunum, tá royndartíðir vóru.
Poula mostir náddi tíverri ikki at uppliva mín dreym um egna fyritøku blíva til veruleika, tó merki eg hana allatíð.
So hvussu skuldu vit fáa Poulu (mosturinna) inn í navnið? Tað er stuttligt tá man so situr saman og skrivar aftur og fram, og so knappliga kemur okkurt genialt. Aftur til tað seinni 🙂
Eg syngi við einum kórið, sum eitur VOX. Vox merkir røddir á latíni. Í enskt-føroysku orðabókini stendur at vox pop er stytting fyri vox populi, sum merkir fólksins rødd/hugsan. Mítt ynskið var at fáa “rødd” við… tí eg arbeiði jú við alternativum samskifti, har tann verbala røddin ofta ikki er til staðar, men fyri tað hevur tann innara røddin nakað at siga. Vit hava øll okkurt at siga. So mítt ynskið við navninum og virkinum er, at røddin hjá mínum kundum, hevur týdning og skal sleppa fram við hjálp av eini samskiftisloysn. So nú var Vox komi uppá pláss… hvar kom so “ia” frá?
Eg og Hervør kjattaðu saman eitt kvøldið, og eftir einari løtu nevnir hon fyri mær, at “tía” merkir mostur á sponskum. Hon hevur verið nokkso nógv í Spania. Eg havi búð eitt ár í Italia, so italskt dugi eg enn nakað av. Eg sigi so við hana, at zia merkir mostur á italienskum… jamen hvat við at navnið verður VOXIA?? letur í Hervør. JAA sigi eg… har kom tað :). S ella Z-ljóðið kemur sjálvsagt við X-inum.
So summa summarum: Røddir Vox, og ein heiður til mín góður Poulu-mostur í ia.
Føroysk tala til GoTalk NOW!!!
Also also hvat eg fekk ein totalt upptúr nú ein dagin. Ok, aftur til byrjanuna….eg havi mangan skriva til framleiðarar av samskiftisappum, um tey kunnu taka okkara nýggju føroysku talusyntesur inn á teirra app. Okkara føroysku talusyntesur eita “Hanna” og “Hanus”, og tað er Acapela sum hevur framleitt tær. Men eg fái aloftast at vita, at tað ber ikki til, ella tað verður ikki gjørt í nærmastu framtíð osv.
Tað finst ein ørgrynna av samskiftisappum runt verðina, men tær flestu er á enskum, og tað er eitt kempi arbeiði at týða og so at innlesa alt. Og hartil ber ikki til at nýta orðaforsøgnina, tá appin ikki hevur føroyskt innbygt. So tað er eitt stórt øv.
Fyri nøkrum árum síðani fór ein mamma og eitt starvsfólk í AV í holt við at týða eina samskiftisapp sum eitur AVAZ. AVAZ er ein samskiftisapp burturav. Mentamálaráði stuðlaði hesi verkætlan. Tær samstarvaðu við framleiðarnar í India, og eftir eini tíð høvdu vit okkara fyrstu føroysku samskiftisapp AVAZ FO. Hetta hevur havt ein so stóran týdning fyri fleiri av okkara borgarum, og eg arbeiði við fleiri sum hava ágóðan av hesari app. Tað er nú so fantastiskt at síggja eldsálir fremja hjartamáli í verkið. Stóra takk til tykkum báðar…tit vita hvørji tit eru ;). Og takk til mentamálaráði fyri at stuðla hesi verkætlan.
AVAZ er ætla til fólk, sum hava førleika at velja vit fingri ella hond. So hetta er ikki ein app, sum hóskar til fólk, sum eru skerd fysiskt. Hon hevur heldur ikki eina skanningsfunku, so tað ber heldur ikki til at velja við eini kontakt.
Eg havi arbeitt nógv við og undirvíst í eini samskiftisapp, sum eitur GoTalk NOW. Hetta er ein app, sum hevur nú nógv ár á bakið. Tað er Attainment company, sum hevur framleitt appina. Eg havi verið í samband við tey nakrar ferð, og eru tey sera fittlig at tosa við. Náh, men hendan appin hevur fleiri funkur, og fleiri veljimøguleikar enn AVAZ, og er hartil brúkaravinarlig. Eg skrivaði til tey nú ein dagin, um tey høvdu møguleika at taka føroysku røddirnar inn í appina. Og eg kind of væntaði eitt svar, sum nei, tí bla bla bla. Meeennnn eg bleiv alvorliga tikin á bólið, tí eg fekk hetta svari:
Also TOTALT upptúr ha?? Tað sum er øðrvísi er, at tá AVAZ er samskiftisapp burturav, og hevur longu uppbygdar møguleikar, so er hon ikki so torfør at fara í gongd við. GoTalk NOW er, útyvir samskiftisapp, eisini til spøl, dagbók og annað. Um man er skerdur fysiskt, og kann ikki velja við fingri, kann man nýta innbygdu skanningsfunkuna í appuni. Man skal sjálvur uppseta appina, og fyri nógv er tað ein torfør uppgáva. Men tað kann eg ella ein annar ráðgevi vegleiða teg í. Eg havi skeið í bæði AVAZ og GoTalk NOW. Um tit trýsta á myndina niðanfyri síggja tit eitt video við dømum, hvussu tú kanst nýta appina.
Roynd at nýta knappaborðið í AVAZ :)
hey eg eiti Helena og eg eri audiologoped . eg fyrireiki meg akra nú til eitt skeið í AVAZ í morgin . eg er spent. eg haldi at avaz hevur nógv cool ting
Gjørt við Avaz, http://www.avazapp.com
Stavtalva
Stavtalvur kunnu gerast neyðugar at hava um hendi, um t.d. talan brádliga gerst skerd av sjúku, so sum ALS, krabbamein, afasi osv, ella av vanlukku. Voxia hevur snikkað hesa loysnina saman, og øll eru hjartaliga vælkomin at taka hana niður, prenta og deila
Framferðarháttur:Um persónurin, sum hevur tørv á stavplátuni ikki fær peika sjálvur, skal viðkomandi, sum tosar við persónin gera soleiðis:
spyr eftir fyrsta orðið og skanna so fyrst tølini í kolonnuni. T.d. “er 1. bókstavur í orðinum í rekkju 1,2,3…” Persónurin má so hava eitt tekin fyri “ja”. Kanska eitt blink ella okkurt líknandi.
Tá persónurin hevur gjørt sítt tekin fyri ja har sum rekkjan við fyrsta bókstavi er, skalt tú skanna teir bókstavir sum eru í tí rekkjuni.T.d. Um persónurin ynskir at siga orðið “tyrst”, skal hann blinka, tá tú sigur 4, og síðan blinka aftur tá tú skannar rekkju 4, við at siga p,r,s,t…blink.
Soleiðis koyrir skipanin inntil tað orðið/setningurin er funnin, sum persónurin ynskir at sigaTað er týdningarmikið at spyrja inntil um man kann gita orðið, sum viðkomandi ynskir at siga.
Um tú/tit hava spurningar inntil hesa talvu, seti tykkum endiliga í samband við Voxia 
ASK bólkur á Facebook
Um tú hevur hug at vera við í einum fb-bólki, har vit fara meira í dýpdina við ASK, so eg bara at melda teg sum lim við at trýsta á hesa leinkju.
