Beskrivelse
Er tað trupult hjá tær at fylgja við øllum, sum familjan skal dagliga? Um tú hevur tað sum eg, so heldur tú tað er SERA trupult. Børnini eru í skúlaaldri, og tey hava ymsar frítíðaraktivitetir at fara til. Hetta inniber eisini dystir, sum ikki eru hvørja viku, og so skal man líka hava tunguna mitt í munninum fyri at minnast nær var tað? Hvar var tað o.s.fr. Vit hava havt hesa talvuna hangandi nú í eina tíð, og hon hóskar væl til okkum.
Í vinstra hornið skrivi eg tí vikuna vit eru í, og í álmannakkan niðanfyri skrivi eg tey dato, sum eru ta vikuna.
Sum tit síggja, so velji eg ymiskar litir at skriva við. Og tað er tilætlað og virkar soleiðis:
Við svørtum skrivi eg alt tað sum er regluligt, t.d. venjingar, arbeiði o.s.fr. Her brúki eg ein wet-erase pen at skriva á glasi í rammuni. Hetta heldur betri á, tí man skal brúka ein vátan klút at fáa tað av við. Men tað ber eisini til at nýta ein vanligan whiteboard pen.
Við bláum (ella annar litur) skrivi eg tað, sum bert er á skránni ta vikuna. Tað bláa ger, at eg festi eyguni lættari á tekstin, tí eg veit, at hetta er ikki tað vanliga. Her nýti eg oftast ein whiteboard pen, tí hetta skal viskast av til komandi vikuna.
Voxia hevur ognað sær ein stóran printara, og vit kunnu prenta nógvar støddir á pappír 130mg. Vit kunnu laminera upp til A3 stødd. Um tú keypir størri, so skal man eiga ella keypa sær eina glasrammu.
1 anmeldelse af Okkara vikuskema