Beskrivelse

Eg síggi … – leita, finn og tosa saman

Í hesum litríka spælinum skulu børnini leita eftir myndini. Myndirnar eru úr myndasavninum hjá Glugganum. Børnini leita eftir kendum lutum, dýrum og mati millum stórar og smáar myndir, sum summastaðni liggja eitt sindur oman á hvør aðra. Her er nógv at fáa eyga á og tosa um!

Spælið leggur upp til at venja at hyggja gjølla, kenna myndir aftur og leggja merki til smálutir. Samstundis kunnu børnini seta orð á tað, tey síggja, lýsa myndir og lurta eftir hvørjum øðrum.

Hetta er við í PDF-pakkanum

• Eitt stórt leitiark við 48 ymiskum myndum.
• Tveir myndalistar við føroyskum orðum og rútum at krossa av – 24 myndir á hvørjum lista.
• Eitt lættari leitiark við 12 myndum og myndalista á somu síðu.

Til samans fært tú 4 A4-síður í litum. Vel arkið við 12 myndum, tá tit vilja hava eitt minni úrval, ella royn størra arkið við øllum 48 myndunum.

Soleiðis kunnu tit brúka tilfarið

Prenta leitiarkið og myndalistarnar. Barnið finnur eina mynd á listanum, leitar eftir henni á arkinum og setur ein kross í rútin, tá myndin er funnin. Tilfarið kann brúkast einsæris, tvey og tvey ella í einum lítlum bólki – heima, í dagstovni ella í skúlanum.

Spælið saman við orðum og ljóðum

Skiftist um at velja eina mynd uttan at siga, hvat hon er. Gev hinum eitt lítið tekin: „Eg síggi nakað, sum vit kunnu lesa í.“ Hin leitar á arkinum og gitur. Tit kunnu eisini lýsa litin, skapið ella tað, lutin verður brúktur til.

Tá børnini eru til reiðar til tað, kunnu tit brúka fyrsta ljóðið í orðinum sum tekin – til dømis /b/ í bók. Tit kunnu eisini velja ein bókstav og finna myndir, har orðið byrjar við honum. Soleiðis kann sami myndaleikur leggja upp til bæði orðfeingi, ljóðtilvit og bókstavar.

Prenthugskot: Prenta á A4 í 100 % stødd. Legg ørkini í plastlumma ella laminera tey, um tit vilja brúka tey aftur og aftur við einum penni, sum kann turkast av.

Talgilt tilfar: Tú keypir eina PDF-fílu at taka niður og prenta. Eingin fysisk vøra verður send.